Portugaleteko Udalak eta Berdintasunaren Batzorde Mistoan ordezkaritza duten elkarte eta entitate guztiek herritarrak animatu nahi dituzte arbuioa adierazteko, Maguette Mbeugou andrearen hilketa dela eta.

Portugaleteko Udalak eta Berdintasunaren Batzorde Mistoan ordezkaritza duten elkarte eta entitate guztiek herritarrak animatu nahi dituzte arbuioa adierazteko, Maguette Mbeugou andrearen hilketa dela eta.

Portugaleteko Udalak eta Berdintasunaren Batzorde Mistoan ordezkaritza duten elkarte eta entitate guztiek Maguette Mbeugou bilbotarraren hilketaren erabateko gaitzespena egin nahi dute eta herritarrei dei egin nahi diete emakumeen kontrako indarkeria salatu dezaten, jarrera aktiboa izan dezaten eta emakumeen kontrako edonolako jarrera iraingarririk gabeko gizartea eraiki dezaten.

Gogoratu nahi dute era honetako indarkeria emakume eta gizonen arteko berdintasun ezaren adierazgarri latzen eta gogorrena dela eta gizarte osoaren inplikazioarekin eta emakume eta gizonen berdintasuna lortzeko behar den balio aldaketekin bakarrik lortuko dela indarkeria deuseztatzea.

Berebat, Portugaleteko Udalak eta Berdintasunaren Batzorde Mistoan ordezkaritza duten elkarte eta entitate guztiek bat egin nahi dute Bilbon gertatutako Maguette Mbeugouren hilketa gaitzesteko antolatu diren ekitaldi guztiekin. Halaber, atzoko egun ankerrean hil zituzten Nuria Alonso eta bi adingabeak ere ezin ditugu inolaz ere ahantzi.